ಆನ್ ಲೈನ್ NEET ಮತ್ತು AI ತಂತ್ರಜ್ಞಾನ ಉಚಿತ.
ಬಳ್ಳಾರಿ:(21) ಪ್ಯೂಪಿಲ್ ಟ್ರೀ ಪಿ.ಯು ಕಾಲೇಜು ವತಿಯಿಂದ ವಿಶ್ವದ ಅತ್ಯಾಧುನಿಕ AI ತಂತ್ರಜ್ಞಾನ ಆಧಾರಿತ ಸಂಪೂರ್ಣ ಉಚಿತ ಆನ್ಲೈನ್ NEET ಶಾರ್ಟ್ ಟರ್ಮ್ ಬ್ಯಾಚ್ ಆರಂಭಿಸಲಾಗುತ್ತಿದೆ ಎಂದು ಘೋಷಿಸಿದರು.ಬಳ್ಳಾರಿ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿರುವ ಪತ್ರಿಕಾ ಭವನದಲ್ಲಿ ಇಂದು ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಪ್ಯೂಪಿಲ್ ಟ್ರೀ ಕಾಲೇಜಿನ ಸಂಸ್ಥಾಪಕರಾದ ಪ್ರಭುರಾಜ್ ಜಾಹಿಗಿರಿಧರ್ ಅವರು,
NEET 2026 ಪರೀಕ್ಷೆಗೆ ಹಾಜರಾಗುವ ವಿದ್ಯಾರ್ಥಿಗಳಿಗಾಗಿ ಈ ವಿಶೇಷ ಕಾರ್ಯಕ್ರಮವನ್ನು ಮೇ 27ರಿಂದ ಜೂನ್ 13, 2026ರವರೆಗೆ ನಡೆಸಲಾಗುತ್ತಿದ್ದು, ಬಳಿಕ ಜೂನ್ 14ರಿಂದ 20ರವರೆಗೆ ವಿಶೇಷ ರಿವಿಷನ್ ಹಂತ ನಡೆಯಲಿದೆ. ಜೂನ್ 21ರಂದು ನಡೆಯಲಿರುವ NEET ಪರೀಕ್ಷೆಗೆ ವಿದ್ಯಾರ್ಥಿಗಳನ್ನು ಸಿದ್ಧಗೊಳಿಸುವ ಉದ್ದೇಶದಿಂದ ಈ ಕಾರ್ಯಕ್ರಮ ರೂಪಿಸಲಾಗಿದೆ ಎಂದು ತಿಳಿಸಿದರು.
ಭಾರತದ NEET ಇತಿಹಾಸದಲ್ಲೇ ಮೊದಲ ಬಾರಿಗೆ ಯಾವುದೇ ಶುಲ್ಕವಿಲ್ಲದೆ, ಯಾವುದೇ ಷರತ್ತಿಲ್ಲದೆ ಎಲ್ಲಾ ವಿದ್ಯಾರ್ಥಿಗಳಿಗೆ ಮುಕ್ತವಾಗಿ ಈ ಕಾರ್ಯಕ್ರಮವನ್ನು ನೀಡಲಾಗುತ್ತಿದೆ. ಇದು ಸಂಸ್ಥೆಯ ಸಾಮಾಜಿಕ ಸೇವೆಯ ಭಾಗವಾಗಿದೆ ಎಂದು ಹೇಳಿದರು.
ಈ ಶಾರ್ಟ್ ಟರ್ಮ್ ಬ್ಯಾಚ್ನ್ನು Pupil Tree.ai ಮೂಲಕ ನಡೆಸಲಾಗುತ್ತಿದ್ದು, ಇದು NEET ತಯಾರಿಗಾಗಿ ನಿರ್ಮಿಸಲಾದ ಅತ್ಯಾಧುನಿಕ AI ಆಧಾರಿತ ಶಿಕ್ಷಣ ವ್ಯವಸ್ಥೆಯಾಗಿದೆ. ಸಾಮಾನ್ಯ ತರಗತಿಗಳಂತೆ ಎಲ್ಲ ವಿದ್ಯಾರ್ಥಿಗಳಿಗೆ ಒಂದೇ ರೀತಿಯ ಪಾಠ ನೀಡುವುದಿಲ್ಲ. ಬದಲಾಗಿ, ಪ್ರತಿ ವಿದ್ಯಾರ್ಥಿಯ ದುರ್ಬಲ ವಿಷಯಗಳು, ತಪ್ಪು ಉತ್ತರಗಳು ಮತ್ತು ಅಂಕ ಕಳೆದುಕೊಳ್ಳುವ ಭಾಗಗಳನ್ನು ವಿಶ್ಲೇಷಿಸಿ, ಅವುಗಳನ್ನು ಸರಿಪಡಿಸುವ ವೈಯಕ್ತಿಕ ಕಲಿಕಾ ವ್ಯವಸ್ಥೆಯನ್ನು ಹೊಂದಿದೆ ಎಂದು ವಿವರಿಸಿದರು.
ಕಾರ್ಯಕ್ರಮದಡಿ ಪ್ರತಿದಿನ ಎರಡು ಸೆಷನ್ಗಳು ನಡೆಯಲಿವೆ. ಬೆಳಿಗ್ಗೆ 9.20ರಿಂದ ಮಧ್ಯಾಹ್ನ 2.30ರವರೆಗೆ ಆನ್ಲೈನ್ ಪೂರ್ಣಾವಧಿಯ NEET ಮಾಕ್ ಟೆಸ್ಟ್ಗಳು ಪರೀಕ್ಷಾ ವಾತಾವರಣದಲ್ಲೇ ನಡೆಯಲಿವೆ. ಮಧ್ಯಾಹ್ನ 2.30ರಿಂದ ಸಂಜೆ 5.20ರವರೆಗೆ AI ಆಧಾರಿತ ವೈಯಕ್ತಿಕ ಕಲಿಕಾ ಹಾಗೂ ರಿವಿಷನ್ ತರಗತಿಗಳು ನಡೆಯಲಿವೆ.
ಸಂಸ್ಥೆಯ ಅಧ್ಯಾಪಕ ತಂಡವು ಎರಡು ದಶಕಗಳಿಗಿಂತ ಹೆಚ್ಚು ಕಾಲ NEET ಆಕಾಂಕ್ಷಿಗಳಿಗೆ ಮಾರ್ಗದರ್ಶನ ನೀಡುತ್ತಿದ್ದು, ಭಾರತದಾದ್ಯಂತ 5,800ಕ್ಕೂ ಹೆಚ್ಚು ವೈದ್ಯಕೀಯ ಸೀಟುಗಳನ್ನು ಪಡೆದ ವಿದ್ಯಾರ್ಥಿಗಳನ್ನು ರೂಪಿಸಿದೆ. ಅನೇಕ ರಾಷ್ಟ್ರೀಯ ಶ್ರೇಯಾಂಕ ಪಡೆದ ವಿದ್ಯಾರ್ಥಿಗಳು, NEETನಲ್ಲಿ 700ರಿಂದ 720 ಅಂಕ ಗಳಿಸಿದ ವಿದ್ಯಾರ್ಥಿಗಳು, AIIMS, JIPMER ಸೇರಿದಂತೆ ದೇಶದ ಪ್ರಮುಖ ವೈದ್ಯಕೀಯ ಕಾಲೇಜುಗಳಲ್ಲಿ ಅಭ್ಯಾಸ ಮಾಡುತ್ತಿರುವ ಹಳೆಯ ವಿದ್ಯಾರ್ಥಿಗಳು ಈ ಸಂಸ್ಥೆಯ ಸಾಧನೆ ಎಂದು ಹೇಳಿದರು.
ಮೊದಲ 100 ವಿದ್ಯಾರ್ಥಿಗಳಿಗೆ ಸಂಪೂರ್ಣ ಉಚಿತ ಪ್ರವೇಶ ನೀಡಲಾಗುತ್ತಿದೆ. ನೋಂದಣಿಗಾಗಿ ವಿದ್ಯಾರ್ಥಿಯ ಹೆಸರು, ಹುಟ್ಟಿದ ದಿನಾಂಕ, ಮೊಬೈಲ್ ಸಂಖ್ಯೆ, ಇಮೇಲ್ ಐಡಿ, ತರಗತಿ ಹಾಗೂ ವಿಳಾಸ ವಿವರಗಳನ್ನು WhatsApp ಮೂಲಕ 9740776883 ಅಥವಾ 9243239325 ಸಂಖ್ಯೆಗೆ ಕಳುಹಿಸುವಂತೆ ಮನವಿ ಮಾಡಿದರು.
ತಾಳೂರು ರಸ್ತೆಯಲ್ಲಿರುವ ಪ್ಯೂಪಿಲ್ ಟ್ರೀ ಪಿ.ಯು ಕಾಲೇಜು ಕಳೆದ 18 ವರ್ಷಗಳಿಂದ NEET ಹಾಗೂ ಶೈಕ್ಷಣಿಕ ತರಬೇತಿಯಲ್ಲಿ ವಿಶ್ವಾಸಾರ್ಹ ಸಂಸ್ಥೆಯಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ತಿಳಿಸಿದರು.
ಸುದ್ದಿಗೋಷ್ಠಿಯಲ್ಲಿ ಕಾಲೇಜಿನ ವೈಸ್ ಪ್ರಿನ್ಸಿಪಾಲ್ ವೈಷ್ಣವಿ, ಗಂಗಣ್ಣ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
